Бугунги кунда Қорақалпоғистон Республикаси ҳудудида интернетга уланишда кузатилаётган айрим носозликлар ва узилишлар туфайли мактабгача таълим ташкилотларига жойлаштириш учун шаклланган йўлланмаларни электрон тизим орқали расмийлаштиришда муаммолар кузатилмоқда, дея хабар бермоқда Мактабгача таълим вазирлиги .

Унга кўра, шуларни инобатга олган ҳолда жорий йилнинг 13 июнидан бошлаб Қорақалпоғистон Республикасидаги мактабгача таълим ташкилотларига шаклланган йўлланмаларнинг амал қилиш муддатлари ҳисоби интернетга уланишда муаммолар бартараф этилгунга қадар тўхтатиб турилади ҳамда интернет тармоғининг барқарор ишлаши таъминланган кундан бошлаб амалдаги тартибга кўра амал қилиш муддати ҳисобланади.