Россияда Ўзбекистон фуқароларининг боласи 7-қаватдан тушиб кетиб вафот этганди. «78.ru»нинг хабар беришича, боланинг онаси мамлакатдан чиқариб юборилади.

Маълум қилинишича, боланинг отаси — ўзбекистонлик 37 ёшли эркак мамлакатдан чиқиб кетмаслик шарти билан қўйиб юборилган. Марҳумнинг онаси эса рўйхатдан ўтиш муддати тугагани учун 15 кун ичида Россиядан чиқиб кетиши керак.

Ота-онанинг сўзларига кўра, фожиа юз берган куни эрталаб соат саккизда улар 5 ёшли ўғлини уйда ёлғиз қолдириб, ишга кетган. Улар вақти-вақти билан мобил телефон орқали ўғлидан хабар олган. Кечки соат олти яримларда бола дераза токчасига чиққан ва 7-қаватдаги очиқ деразадан тушиб кетган.