«Генетик» романининг ёзилишига сабабчи бўлган таниқли олим халқаро мукофотга лойиқ деб топилди, дея хабар бермоқда Инновацион ривожланиш вазирининг тил масалалари бўйича маслаҳатчиси, ёзувчи Исажон Султон.

Унга кўра, «Anhui Zhifei Longcom Biopharmaceutical» компанияси билан ҳамкорликда COVID-19 коронавирусига қарши вакцина яратилишидаги ва Ўзбек-Хитой муносабатларининг илмий-инновацион ҳамкорлиги ривожидаги салмоқли ҳиссаси учун TWAS (The World Academy of Sciences – Дунё Фанлар академияси) аъзоси, биология фанлари доктори, академик Иброҳим Абдураҳмонов «Буюк Ипак йўли Дўстлик элчиси» халқаро илмий мукофоти билан тақдирланган.