2021 йилда “UzAuto Motors” AЖ фаолияти юзасидан келиб тушган мурожаатларга асосан автомобилларни етказиб бериш муддатларига риоя этилмаганлиги юзасидан таҳлиллар ўтказилган. Бу ҳақида Истеъмолчилар ҳуқуқларини ҳимоя қилиш агентлиги маълум қилди.

Таҳлилларга кўра, 68 та дилерлик ташкилотлари томонидан 5 мингдан ортиқ ҳолатда автомобилларни шартномаларга мувофиқ белгиланган муддатларда етказиб берилмаганлиги аниқланиб, ҳозирги кунда белгиланган муддатда етказиб берилмаган кунлар учун истеъмолчиларга пеня тўлатиб бериш бўйича ишлар олиб борилмоқда.