Миллий статистика қўмитаси маълумотларига кўра, 2025/2026 ўқув йили бошида Ўзбекистонда филиаллар билан бирга жами 215 та олий таълим ташкилоти фаолият юритмоқда. Бу кўрсаткич ўтган ўқув йилига нисбатан 7 тага камайган.

Мамлакатдаги олий таълим ташкилотларининг 97 таси нодавлат олий таълим муассасалари ҳисобланади.

Ҳудудлар кесимида энг кўп олий таълим ташкилотлари Тошкент шаҳрида жойлашган бўлиб, уларнинг сони 98 тани ташкил этади. Кейинги ўринларда Тошкент вилояти 19 та ва Самарқанд вилояти 14 та олий таълим ташкилоти билан қайд этилган.