Президент Администрацияси раҳбари Саида Мирзиёева Европада хавфсизлик ва ҳамкорлик ташкилоти (ЕХҲТ) Бош котиби Феридун Синирлиўғлу билан учрашув ўтказди.

Томонлар трансмиллий таҳдидларга қарши курашиш, рақамли технологиялар ва сунъий интеллект, ёшлар манфаатларини ҳимоя қилиш, гендер тенглиги ҳамда суд-ҳуқуқ ислоҳотлари соҳаларидаги ҳамкорлик истиқболларини муҳокама қилдилар.

Феридун Синирлиўғлу ЕХҲТ Ўзбекистон ташаббусларини қўллаб-қувватлашга тайёр эканини таъкидлаган.