Жорий йилнинг 8 июнь санасидан бошлаб, «Узаутотранс Сервиcэ» МЧЖ томонидан Тошкент – Чўлпон-ота (Иссиқ-кўл) йўналишида мавсумий автобус қатнови бошланади.

«Тошкент» автовокзалидан қатновлар июнь ойининг жуфт кунларида амалга оширилади. Иссиқ-кўлдан Тошкентга қайтиш рейслари эса июнь ойининг тоқ кунларида бажарилади.

Қатновлар компаниянинг Ютонг автобусларида амалга оширилади. Автобус соат 15:00 да «Тошкент» автовокзалидан жўнайди.

Чипта нархи 365 000 сўм этиб белгиланган.

Қўшимча маълумотларни +998 71 207-87-00, +998 94 131-99-99, +998 88 666-15-15 рақамларидан олиш мумкин.