Хабарингиз бор, 16-17 сентябрь кунлари Душанбе шаҳрида Шанхай Ҳамкорлик Ташкилоти (ШҲТ) Давлат раҳбарлари кенгашининг навбатдаги йиғилишида Ўзбекистон Президенти Шавкат Мирзиёев иштирок этади.

Кеча Тожикистон пойтахтида Шанхай Ҳамкорлик Ташкилотига аъзо давлатлар Миллий координаторлари кенгаши ўз ишини якунлади. Бу ҳақда «Дунё» Ахборот агентлиги хабар бермоқда.

11-15 сентябрь кунлари давомида Ҳиндистон, Қозоғистон, Хитой, Қирғизистон, Покистон, Россия, Тожикистон ва Ўзбекистон миллий координаторлари Душанбеда ШҲТ юбилей саммити якунлари бўйича қабул қилинган кун тартиби ва ҳужжатлар лойиҳаси бўйича келишиб олди.

Кутилаётганидек, учрашув якунлари бўйича ШҲТга аъзо Давлат раҳбарлари кенгаши ташкилот раислигининг Ўзбекистонга ўтиши тўғрисида қарор қабул қилади.