Ал-Ақсо масжиди кутубхонасида сақланаётган Имом ал-Бухорий ва Исо ат-Термизийнинг нодир қўлёзмалари электрон нусхаси Ўзбекистонга олиб келинди. Бу ҳақида брифингда Агентлик ахборот хизмати раҳбари Анваржон Алиев маълум қилди.



«Ўзархив» агентлиги 12 та хорижий давлатнинг манфаатдор ташкилотлари билан 15 та икки томонлама ва кўп томонлама ҳамкорлик ҳужжатларини имзолади.



Иккинчи жаҳон уруши даврида Ўзбекистон ҳудудига эвакуация қилинганлар тақдирига алоқадор маълумотларни ўз ичига олган архив ҳужжатларини каталоглаштириш ишлари амалга оширилмоқда.



Миллий архивлар ва давлат архивлари ўқув залларига Россия, Исроил, Германия, Канада, Польша, Австрия, АҚШ, Буюк Британия, Франция каби хорижий мамлакатлардан жами 25 га яқин тадқиқотчи ташриф буюрган ҳамда ўзларининг тадқиқот ишлари бўйича тегишли архив материалларидан фойдаланган.