Бугун, 6 май куни Ўзбекистон Ташқи ишлар вазири в.б. Владимир Норов Қирғизистон Ташқи ишлар вазири Жеенбек Кулубаев билан телефон орқали мулоқот қилган.


Томонлар турли соҳаларда Ўзбекистон ва Қирғизистон ўртасидаги яхши қўшничилик ва стратегик шериклик муносабатларининг долзарб масалаларини муҳокама қилдилар. Икки мамлакат раҳбарларининг сиёсий иродаси туфайли кейинги йилларда Ўзбекистон билан Қирғизистон ўртасидаги ҳамкорлик сифат жиҳатидан янги босқичга кўтарилгани, янги мазмун билан бойигани айтилган.

Шунингдек, бўлажак тадбирлар жадвали, кун тартиби ва ташкилий жиҳатлари кўриб чиқилган.