Сурхондарё вилояти ҳокимлигида ўзбек футболининг 110-йиллигига бағишланган учрашув бўлиб ўтди. Бу ҳақида Спортни ривожлантириш вазирлиги ахборот хизмати хабар берди.

Хабарга кўра, Сурхондарё вилоят ҳокими, вилоят футбол ассоциацияси президенти Тўра Боболов, ЎФА вице-президенти Одил Аҳмедов ва ўзбек футболи фахрийлари иштирок этишган.

Учрашувда Тўра Боболов вилоятда футбол ривожи йўлида амалга оширилган ишлар ва бўлажак режалар билан ўртоқлашди.

Учрашув сўнгида Сурхондарё вилояти ҳокими Тўра Боболовга “Ўзбекистон футболи ривожига қўшган ҳиссаси учун” кўкрак нишони топширилди.