Ўзбекистонда 9 май куни ҳарбий парад ўтказилмайди. Бу ҳақда Мудофаа вазирлиги мутасаддилари иштирокидаги матбуот анжуманида маълум қилинди.

– Ўзбекистон Республикасида 9 май бу Ғалаба куни эмас, бизда 1999 йил Президент фармони билан Хотира ва қадрлаш куни этиб белгиланган. Айнан 9 май – Хотира ва қадрлаш кунига бағишланган байрамлар бутун Ўзбекистонда давом этмоқда. Қарияларни қадрлаш, уларга ҳурмат кўрсатиш мақсадида республика бўйлаб тадбирлар бошлаб юборилган. Ҳарбий парад ўтказилиши назарда тутилмаган. Ўтган йили ҳам, ундан аввал ҳам парад ўтказилмаган. Бу бўйича бирор маълумот йўқ, – деди Мудофаа вазирлигининг тарбиявий ва мафкуравий ишлар бош бошқармаси бошлиғи ўринбосари, подполковник Ойбек Мамадалиев.