Йўловчилар орасида талаб ортиши муносабати билан Uzbekistan Airways 2022 йил 8 май куни Тошкент – Бухоро – Тошкент йўналиши бўйича қўшимча авиақатновни йўлга қўяди.  Бу ҳақида компания ахборот хизмати хабар берди.

 Қайд этилишича, Тошкент – Бухоро йўналиши бўйича авиачипта нархи 158 183 сўмдан (багажсиз) ва 182 518 сўмдан (багаж билан), Тошкент – Бухоро – Тошкент йўналиши бўйича эса 304 197 сўмдан (багажсиз) ва 352 869 сўмдан (багаж билан) бошланади.  Нархлар 25.04.2022 ҳолатига кўра амал қилади.

Авиачипталарни авиакомпаниянинг расмий сайтидан www.uzairways.com, Uzbekistan Airways Салес филиалидан ёки авиакомпания агентларидан харид қилиб олиш мумкин.