29 ёшли йигит бир қиз билан танишиб, ундан ОИТСни юқтириб олган. Олий маълумотли стоматолог ушбу қиз билан ижтимоий тармоқлар орқали танишиб қолган.

Белгиланган тартибга кўра, шифокор касалликка чалинса, соҳада фаолият олиб бориши мумкин эмас. Аммо у буни била туриб, иш фаолиятини давом эттириб келгани аниқланди.
 

У шифокор бўлишига қарамай, касаллик қандай юққанини билмайди, учрашган қизни эса қайта топа олмаган.

Унда касаллик аниқлангач, унинг ҳуқуқ ва мажбуриятлари эслатилган. Белгиланган тартибларга амал қилмаса, жиноий жавобгарликка тортилишидан огоҳлантирилган. Шунга қарамай у одамларни даволаб юргани аниқланди.

Ҳозирда шифокор-стоматологга нисбатан жиноий иш қўзғатилган.