Хабарингиз бор, Ўзбекистон Республикасининг «Ўзбекистон Республикаси маданият ва санъат ходимлари кунини белгилаш тўғрисида» Қонуни билан 15 апрель Ўзбекистон Республикаси маданият ва санъат ходимлари куни этиб белгиланган эди.

Мазкур сана муносабат билан Маданият вазирлиги томонидан жонкуяр соҳа ходимларини рағбатлантириш учун «Маданият ва санъат фидокори» кўкрак нишони таъсис этилди.

Куни кеча, Республика миқёсида ушбу кўкрак нишон билан 250 га яқин соҳа фидокорлари тақдирланди. Шу билан бирга 200 тага яқин фахрий ёрлиқ, 130 та диплом, 130 та ташаккурномалар ҳам ўз эгаларига топширилди.

Тадбирлар кун давомида бўлиб ўтади.