Ўзбекистон Республикаси Адлия вазирлиги томонидан Ўзбекистон футбол ҳакамлари маркази давлат рўйхатидан ўтказилди. Бу ҳақида вазирликнинг жамоатчилик билан алоқалар бўлими хабар қилди.
 
Маълум қилинишича, марказнинг асосий мақсади – Ўзбекистон Республикаси ҳудудида футбол мусобақаларини бошқарувчи ҳакамлар ва назоратчилар фаолиятини мувофиқлаштирилишини таъминлаш бўйича Ўзбекистон футбол ассоциацияси, Ўзбекистон Профессионал футбол лигаси, футбол клубларига ва бошқа ташкилотларга ёрдам кўрсатиш, ҳакамлар ва назоратчиларни тайёрлаш, қайта тайёрлаш ва малакасини ошириш, шунингдек уларни ташкилий-бошқарув фаолиятига кўмаклашишдан иборат.