Ўзбекистон Республикаси Инновацион ривожланиш вазирлигининг хабарига кўра,  Вазирлар Маҳкамасининг 2017 йил 22 майдаги 304-сон қарори мувофиқ 2022 йил 3-чорак учун мустақил изланувчиликка Ягона электрон тизим (phd.mininnovation.uz) орқали онлайн ҳужжатлар топшириш бошланмоқда.

Ҳужжатлар жорий йилнинг 20 апрелидан 20 майига қадар Ягона электрон тизими орқали қабул қилинади.

Маълумот учун, мустақил изланувчилик – фалсафа доктори (Doctor of Philosophy (PhD) ёки фан доктори (Doctor of Science (DSc) илмий даражаларига даъвогар изланувчилар учун ишлаб чиқаришдан ажралмаган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли ҳисобланади.