Сурхондарё ҳокимининг собиқ ўринбосари Мавлуда Қобулова 2022 йилнинг 14 апрель куни вафот этди.

Маълум қилинишича, марҳума 2005 йилдан 2020 йилга қадар вилоят ҳокими ўринбосари – вилоят хотин-қизлар қўмитаси раиси лавозимида ишлаган.

Мавлуда Қобулова 1959 йилда Денов туманида туғилган бўлиб, мутахассислиги бўйича шифокор бўлган.

У меҳнат фаолияти давомида Маҳалла ва оилани қўллаб-қувватлаш бошқармаси бошлиғининг биринчи ўринбосари, «Юксалиш» умуммиллий ҳаракати вилоят бўлинмаси раҳбари лавозимларида ишлаган. Вафотига қадар Халқ депутатлари Сурхондарё вилояти кенгаши депутати бўлган.