Ўзбекистон Республикаси Вазирлар Маҳкамасининг тегишли қарорига биноан, маҳалладаги фуқаролар йиғинлари раислари ва хотин-қизлари фаоллари томонидан турар жой учун ижара компенсациясини тўлаб бериш бўйича талабномалар шакллантирилади.

“Аёллар дафтари”га киритилган хотин-қизларга турар жой ижара компенсацияси мазкур талабномалар ҳамда секторлар раҳбарлари ва туман (шаҳар) оила ва хотин-қизлар бўлими бошлиғининг хулосаси асосида белгиланган тартибда тўлаб берилади.

Бунда:

Турар жой ижараси тўғрисидаги шартнома уч томонлама-ижарага берувчи, ижарага олувчи ва туман (шаҳар) оила ва хотин-қизлар бўлими ўртасида тегишли йилнинг сўнгги кунигача бўлган муддатга тузилади;

Турар жой ижараси учун тўловларнинг 50 фоизи, лекин кўпи билан 500 минг сўмагача бўлган бўлган қисми  “Аёллар дафтари” жамғармаси ҳамда Қорақалпоғистон Республикаси республика бюджетлари маблағлари ҳисобидан қоплаб берилади.

Турар жой ижараси учун тўловлар ижарага берувчига тўғридан-тўғри тўланади.