Таниқли америкалик ютуб-блогер ва видеооператор Девин Грем машҳур компьютер қаҳрамонлари ҳақида ролик суратга олди. У суратга олиш ишларини Ўзбекистонда олиб борди.

Блогер ўз роликларида экстремал спорт ўйинларини намойиш этиш учун тарихий ва мафтункор шаҳарлар – Хива, Самарқанд ҳамда Бухорони танлаган. Айни пайтда унинг каналида 6,2 млн обуначи бўлиб, кўришлар сони 1,5 млрддан ошган.

Девин Грем бундан аввал ҳам Ўзбекистонда Индиана Жонс руҳидаги қисқа видео суратга олган, бу роликка нисбатан Ўзбекистон халқ шоири Хуршид Даврон мулоҳазаларини билдирган эди.