7-майдан 9-майгача пойтахтда Tashkent Flowers Fest 2026 фестивали ўтказилади. Бу ҳақда Тошкент ҳокимлиги матбуот хизмати хабар бермоқда.

Қайд этилишича, байрам тадбирлари Миллий кутубхона олдидаги майдонда соат 10:00 дан 22:00 гача бўлиб ўтади. Кириш барча учун бепул.

Фестиваль доирасида гуллар кўргазмаси, бадиий жамоалар чиқишлари, санъаткорлар иштирокидаги концерт дастурлари ва бошқа интерактив кўнгилочар дастурлар намойиш қилинади.

Мазкур тадбир муносабати билан майдонга туташ ҳудудлардаги кўчаларда транспорт воситалари ҳаракати 11-майгача чекланган.