«Ипак йўли» туризм ва маданий мерос халқаро университетида жорий йилнинг 7 апрель кунидан бошлаб ҳар ойнинг биринчи чоршанбаси «Миллий либослар куни» деб эълон қилинди. Талабалар ва университет ходимлари ушбу кунда ОТМга ўзлари учун қулай бўлган миллий либосларда келади.

Мазкур ўзига хос хайрли анъана миллий либосларни тарғиб қилиш, замонавий кийинишда ўзбекона шарм-ҳаё меъёрларига амал қилиш, урф-одат ва қадриятларимизга хос бўлмаган кийиниш услубларига тақлиднинг олдини олиш, ёшларда миллий кийиниш маданиятини шакллантириш мақсадида ташкил этилган.

Университетнинг барча профессор-ўқитувчилари ва ходималари белгиланган кун давомида олийгоҳ ҳудудида миллий либосларда юради.