Ижтимоий тармоқларда Давлат тест маркази томонидан янги тест топшириқлари тўпламлари нашр этилгани ҳақида хабарлар тарқалди. ДТМ ахборот хизмати ҳолатга муносабат билдирди.

 Маълум қилинишича, Давлат тест маркази «Давр пресс» нашриёти билан ҳамкорликда 2019- ва 2020 йилларда умумтаълим фанларидан тест топшириқлари тўпламлари чоп этган. Аммо 2021 йилда тест топшириқлари тўпламлари чоп этилмаган.

Абитуриентлар 2021-2022-ўқув йили учун олий таълим муассасаларининг бакалавриат таълим йўналишларига кириш тест синовларида фойдаланилган тест топшириқлари билан Давлат тест марказининг e-DTM тизими (@e_dtm_bot)  орқали онлайн тарзда ва my.dtm.uz сайти орқали диагностик тест материалларига буюртма берган ҳолда (https://my.dtm.uz/diagnostics/) танишишлари ҳамда ўз билимларини синаб кўришлари мумкин.

Шунингдек, ДТМ директори ўринбосари Сардор Ражабов бу китобларни чиқараётганларга қонуний чора кўрилишини маълум қилди.