Туркиянинг Бурса шаҳрида Халқаро Турк маданияти ташкилоти – TÜRKSOY Доимий кенгашининг навбатдан ташқари йиғилиши бўлиб ўтди. Унда Озарбойжоннинг Шуша шаҳри «Турк дунёсининг маданий пойтахти» деб эълон қилинди.

Доимий кенгаш 1993 йилдан бери 9 та давлат ва 19 та шаҳарда йиғилиш ўтказди. Хусусан, йиғилишлар охирги йилларда Бошқирдистоннинг Уфа, Туркиянинг Анқара ва Кастамону, Татаристоннинг Қозон, Туркманистоннинг Марв, Озарбойжоннинг Шеки, Қозоғистоннинг Туркистон, Қирғизистоннинг Ўш ва Ўзбекистоннинг Хива шаҳарларида бўлиб ўтган.

Эслатиб ўтамиз, 2020 йили Турк дунёсининг маданий пойтахти этиб Ўзбекистонинг Хива шаҳри танланган эди.