Навоийдаги Ўзбекистон ҳаво ҳудуди эвакуация жараёнлари учун транзит нуқтаси вазифасини ўтаган. Ҳарбий ҳаво кемалари Кобул-Навоий йўналишида учиши, у ердан Варшавага фуқаролик самолётлари парвоз қилиши режалаштирилган эди.

Польша президенти Анджей Дуда ва президент Шавкат Мирзиёевнинг ўзаро мулоқотдан сўнг Польша ҳарбий ҳаво кемаларига Ўзбекистон ҳаво ҳудудида учишга рухсат берилган эди.

«Сиёсий алоқалар ва инсонпарварлик заруратлари нуқтаи назаридан Ўзбекистонга ҳам вакцина етказиб беришга қарор қилдик», — деди Польша ташқи ишлар вазири ўринбосари.