Ўзбекистон Республикаси Судьялар олий кенгаши қарори билан икки нафар судья вазифасидан озод қилинган. Бу ҳақида Судьялар олий кенгаши матбуот хизмати хабар берди.

Қайд этилишича, ёзма аризасига биноан ҳамда судьялик шаъни ва қадр-қимматига доғ туширадиган, шунингдек, суднинг обрўсига путур етказадиган ножўя хатти-ҳаракат содир этганлиги учун Завкиддин Музафаров Бухоро вилояти жиноят ишлари бўйича Бухоро шаҳар судининг судьяси лавозимдан  озод қилинган.  

Шунингдек, ёзма аризасига биноан Илхомжон Ражабов Тошкент шаҳар Тошкент туманлараро иқтисодий судининг судьяси лавозимидан озод этилиб, ваколатлари муддатидан илгари тугатилган.