Президентнинг тегишли қарор ва фармойишлари билан Давлат божхона қўмитаси раҳбарияти ва бир қатор ҳудудий божхона бошқармалари раҳбариятида муҳим тайинловлар амалга оширилди. Бу ҳақида қўмита ахборот хизмати хабар қилди.

Қайд этилишича, Давлат божхона қўмитаси раисининг биринчи ўринбосари вазифасини бажарувчиси бўлиб хизмат қилиб келаётган Илҳом Мухторов қўмита раисининг биринчи ўринбосари этиб тайинланган.

Президент Администрациясида фаолият юритиб келган Отабек Ибрагимов Давлат божхона қўмитаси раиси ўринбосари этиб тайинланди.

Шунингдек, Муталибжон Солиев бошқа ишга ўтгани муносабати билан қўмитаси раиси ўринбосари лавозимидан кетди.