Ижтимоий тармоқлар ва Telegram каналларида Ўзбекистон Республикаси Президенти номи остида cохта Телеграм-бот ҳаволаси тарқалмоқда.

Таъкидланишича, у Ўзбекистон аҳолисига берилаётган бир марталик 300 минг сўмлик ёрдам пулини олишга ёрдам берувчи бот дея таснифланган.

Ботни ишга туширган фуқаролардан эса ушбу ҳаволани тарқатиш ҳамда шахсга доир маълумотларни киритиш сўралади.

“Фуқароларни бу каби фейк маълумотларга алданиб қолмасликка ҳамда огоҳ бўлишга чақирамиз”, дейилади хабарда.