Ижтимоий тармоқларда "Қорақалпоғистон ЙҲХБ бошлиғи ЙПХ ходимларини ҳақоратлаб, куч ишлатгани акс этган видео тарқалган эди. Қорақалпоғистон Республикаси Ички ишлар вазирлиги ахборот хизмати ушбу ҳолат юзасидан муносабат билдирди.

Маълум қилинишича, видеода акс этган ҳолат, 2021 йилнинг 14 февраль куни содир бўлган. Мазкур ҳолат юзасидан вазирликнинг йўл ҳаракати хавфсизлиги бошқармаси бошлиғи вазифасини бажарувчиси капитан Б.Хожановга нисбатан тегишли тартибда хизмат текшируви тайинланган.

Вазирликнинг тегишли соҳавий хизматлари томонидан ўтказилган хизмат текшируви якуни бўйича, капитан Б.Хожанов кўл остидаги ходимларга қўпол муносабатда бўлгани ҳамда хизматда камчиликларга йўл қўйгани учун “лавозим маошининг 30% миқдорида ушлаб қолиш” қаттиқ интизомий жазо чораси қўлланилган.