Ижтимоий тармоқларда «болалари бор ҳар бир оилага 650 000 сўмдан бюджетдан пул ажратилиши» ҳақидаги хабарлар тарқалмоқда.

Қайд этилишича, бундай хабарлар Ўзбекистон Республикаси Президенти расмий сайти – www.president.uzга ўхшаш сохта веб-сайт ҳаволаси (www.president-uz.link) орқали тарқатилмоқда. Ушбу фейк ҳаволага ўтган фуқаролардан эса шахсга доир ҳамда пластик карта тўғрисидаги маълумотларни киритиш сўралади.

Таъкидланишича, ушбу хабарлар сохта бўлиб, фуқаролардан бу каби сайтларга кирмаслик, фирибгарларга алданмаслик сўралган. Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд.