2022 йил 10 март куни Молдовадан Ўзбекистон фуқароларини Бухарест шаҳри (Руминия) аэропорти орқали эвакуация қилиш ишлари якунланди. Бу ҳақида  Ўзбекистон Республикаси Ташқи ишлар вазирлиги расмий вакили хабар берди.

Қайд этилишича, эвакуация қилинган фуқаролар 98 нафар бўлиб, айни вақтда Польша ҳудудида мамлакатимизнинг 220 нафарга яқин, Украина-Польша чегарасида эса 50 га яқин фуқароси қолмоқда.

Шунингдек, 11 март куни битта эвакуация рейси амалга оширилиши режалаштирилган.