Сурхондарё вилояти Жарқўрғон тумани ҳокимининг ёрдамчиси қўлга олинган. Маълум қилинишича, фуқаро А.М. тумандаги “Янгиобод” маҳалласи ҳудудида тадбиркорликни амалга ошириш учун ҳокимлик орқали ер майдони олмоқчи бўлган.

Ҳоким ёрдамчиси Б.Х. эса унга маҳалла ҳудудидан стадион ва спорт мажмуаси қуриш учун “Е-аукцион” орқали туман ҳокимлиги захирасида бўлган 60 сотих ер майдонини танишлари орқали олиб беришда ёрдам бериши мумкинлигини айтиб, эвазига фуқародан 5 миллион 500 минг сўм пул талаб қилади.

Б.Х. фуқародан 5,5 миллион сўмни фирибгарлик йўли билан олган вақтида ДХХ томонидан ашёвий далиллар билан ушланган.