8 март – Халқаро хотин-қизлар куни муносабати билан тантанали байрам тадбири бошланди. Тадбир аввалида Президент Шавкат Мирзиёев байрам муносабати билан юртимиз хотин-қизларини табрик йўллади.

Табрикда Президент шу йили ипотека кредитлари бўйича бериладиган субсидияларнинг 40 фоизи хотин-қизлар учун ажратилишини маълум қилди. Таъкидланишича, бу муҳтож аёлларни 12 мингта қулай уй-жой билан таъминлаш имкониятини беради. «Фақат ва фақат аёлларимизни қўллаб-қувватлаш учун 15 триллион сўм маблағ йўналтирилади», деди Президент.