Асака туманида фуқаро қалбаки 100 миллионни 57 миллион сўмга сотаётганда ушланди. Бу ҳақида Бош прокуратура ҳузуридаги Департамент ахборот хизмати хабар берди.

Қайд этилишича, Департамент ҳамда ДХХнинг Андижон вилояти бошқармалари томонидан ўтказилган тезкор тадбирда, фуқаролар А.А., Х.Р. ва бошқалар А.К. ва Х.Н.га 2 000 дона қалбаки 50 000 сўмлик купюраларни 57 миллион сўмга сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.