Ижтимоий тармоқларда Самарқанд вилояти Пахтачи туманида бозор назоратчиси ёши катта эркакни «самосуд» қилгани айтилган хабар тарқалди. Вилоят Ички ишлар бошқармаси ҳолатга муносабат билдирди.

Қайд этилишича, 3 март куни Пахтачи тумани «Тадбиркор» маҳалласида жойлашган деҳқон бозорида Нарпай тумани «Тепа» маҳалласида яшовчи Х.К. (1965 йилда туғилган) ҳамда Пахтачи тумани «Қоратепа» маҳалласида яшовчи Х.Д. (1975 йилда туғилган) ўртасида келишмовчилик юзага келган. Ҳолатга бозор назоратчиси аралашиб, уларни ажратган ва ИИБ ходимларига хабар берган.

Ҳодиса жойига ходимлар бориб, фуқаролар ИИБ биносига олиб келинган. Ҳозирда ҳолат юзасидан терговга қадар текширув ҳаракатлари олиб борилмоқда.