Ўзбекистонда илк бор жорий этилаётган бу механизм бугун Олий Мажлис Қонунчилик палатаси депутатлари томонидан қабул қилинган «Давлат фуқаролик хизмати тўғрисида»ги қонунда назарда тутилган.

Қонунга кўра, барча даражадаги давлат фуқаролик хизматчилари учун эгаллаб турган лавозими, иш стажи ва малака ошириш курсларининг натижаларига қараб малака даражалари берилади.

Эндиликда ҳуқуқни муҳофаза қилувчи органлар ва махсус хизмат ходимлари каби давлат фуқаролик хизматчилари ҳам малака даражаларига эга бўлади.

Малака даражалари беришдан мақсад — давлат фуқаролик хизматчилари меҳнатини муносиб баҳолаш, улар ўртасида ўзаро соғлом рақобат муҳитини шакллантириш, моддий рағбатлантириш ва тизимли равишда касбий малакасини ривожлантиришга қаратилган.