Инновацион ривожланиш вазирлиги ҳузуридаги Халқаро молекуляр аллергия маркази мониторинг натижаларига кўра, Ўзбекистон Республикасида Тошкент шаҳрида февраль ойининг сўнгги ҳафтасида ҳавода дарахт ва ўсимликлар гул чанг миқдори бироз ошган.

Мониторинг натижалари:

22 февраль куни ўтказилган таҳлил натижаларига кўра 1м3 ҳавода сарвдошлар оиласига мансуб дарахтларнинг 17 та ҳамда корилуснинг 3 та гул чанги аниқланган.

Чоршанба куни, 23 февралда эса гулчанг миқдори бироз ошган. Яъни 1м3 ҳавода сарвдошлар оиласига мансуб дарахтларнинг 24 та ҳамда 8 та корилуснинг гул чанг миқдори қайд этилган.

24 февраль куни сарвдошлар оиласига мансуб дарахтларнинг 86 та, корилуснинг эса 9 та гул чанги аниқланган.

25 февраль куни ҳаво ҳарорати юқори бўлган, ёғингарчилик кузатилмаган. Шуни ҳисобига 1м3 ҳавода сарвдошлар оиласига мансуб дарахтларнинг 93 та ҳамда корилуснинг 3 та гул чанги аниқланган.

26 февраль куни ҳаво ҳарорати бироз пасайган, ёғингарчилик кузатилмаган. Шу куни Тошкентда гулчанг миқдори кескин каманган. Яъни сарвдошлар оиласига мансуб дарахтларнинг 19 та ҳамда корилуснинг 1 та гул чанги аниқланган.

27 февраль куни ҳаво булутли бўлган. 1м3 ҳавода сарвдошлар оиласига мансуб дарахтларнинг 10 та, корилуснинг 2 та гул чанги аниқланган.