Ижтимоий тармоқларда Тошкент шаҳри Мирзо Улуғбек тумани «Амир Темур» маҳалласида буюк аждодимизга ўрнатилган ҳайкал суратлари тарқалди. 

Эскириб ачинарли ҳолга келиб қолган ҳайкалнинг паст бўйи, қўл-оёқларнинг танасига номутаносиблиги улуғ саркардани кулгили тарзда намоён этган. Ижтимоий тармоқ фойдаланувчилари ушбу ҳолатнинг шармандали экани ҳақида изоҳлар қолдиришган.

Oyina.uz мухбири ҳолат юзасидан Мирзо Улуғбек туман ҳокимлиги матбуот котиби билан боғланганда бундан бехабарлигини маълум қилди.