Ўзбекистоннинг Украинадаги элчихонаси Тошкентга учиш учун Полша чегарасини кесиб ўтиш тартибини маълум қилди.

Тартибга кўра, Лвовга келган фуқаролар, диаспора вакили Салиев Маруф (+380 96 102 10 95)га мурожаат қилиши ва ўзининг ҳужжатларини унга тақдим этиши керак.

Чегарадан ўтиш фақат ўрнатилган тартибда автобус орқали ва Украинадаги ҳамда Полшадаги Элчихона вакиллари ҳамроҳлигида амалга оширилади. Индивидуал тарзда ва қолган ҳолларда муаммоларга дуч келиш мумкин.

Шу билан бирга, биринчи ўринда Эвакуация режалаштирилган фуқароларнинг устуворлиги қуйидаги одамлар тоифасини ўз ичига олади:

қариялар;

болалик аёллар;

талабалар ва болалар.

Маълум қилинишича, хавфсиз эвакуацияни таъминлаш учун имкон қадар ҳаракат қилинади.