Коронавирусга қарши курашиш бўйича Республика махсус комиссиясининг 23 февралдаги йиғилишида бош вазир Абдулла Арипов ўзбекистонлик олимлар ковидга қарши сут ишлаб чиққани борасидаги янгиликка изоҳ берди.

«Куни кеча ижтимоий тармоқларда Ўзбекистонлик олимлар ковидга қарши сут ишлаб чиққани муҳокамаларга сабаб бўлди, одамлар буни эшитиб кулишди. Кулманг, бу бор нарса. Чунки айримлар укол ололмайди, айнан шуларга бу усул жуда қўл келади.

Олимларимиз керак бўлса, полиз маҳсулотлари, ҳаттоки хамиртурушга ҳам вакцина жойлаш борасида тадқиқотлар олиб бормоқда. Бу табиий усул», — дея таъкидлаган бош вазир.