Президент Шавкат Мирзиёев Қорақалпоғистоннинг Мўйноқ тумани  фаоллари билан учрашувда болаларнинг боғча ёши ҳақида гапириб ўтган. Бу ҳақида Мактабгача таълим вазирлиги хабар берди. 

Қайд этилишича, учрашув давомида «Ҳаким ота» овулидан ташриф буюрган мактабгача таълим соҳаси вакили Бахтигул Китайбекова боғчаларга болаларни 2 ёшдан қабул қилиш бўйича давлат раҳбарига мурожаат қилган.

«Боғчаларга болаларни 2 ёшдан қабул қилиш бўйича менинг ҳам ниятим бор. Аммо ҳали озроқ вақт бор. Иқтисодиётимизни салгина мустаҳкамлаб олайлик, кейин бу ишни амалга оширамиз. Агар ҳозир фақат Қорақалпоғистон учун буни йўлга қўйсак, бошқа ҳудудларга нисбатан тўғри бўлмайди», деб жавоб берган  давлат раҳбари.