UzAuto компаниясининг Тошкент шаҳридаги бош офисида 22 февраль куни Ўзбекистон гимнастика федерациясининг ҳисобот-сайлов конференцияси бўлиб ўтди. Унда «Ўзавтосаноат» АЖ бошқаруви раиси Шавкат Умурзоқов Ўзбекистон гимнастика федерацияси президенти  этиб сайланди.

Қайд этилишича, Гимнастика федерацияси президентлигига номзодни тайинлаш овоз бериш якунларига кўра бўлиб ўтган. Конференция иштирокчилари ушбу лавозимга Шавкат Умурзоқовни бир овоздан маъқуллаган.

Шавкат Умурзоқов раҳбарлигида «Ўзавтосаноат» узоқ йиллар давомида Ўзбекистон гимнастика федерациясининг бош ҳомийси бўлиб келган.