Ўсмат–Боғишамол йўналишида қатновчи “Дамас” ҳайдовчилари аҳоли манзилидан узоқда яшовчи ўқувчиларни мактабга бепул олиб кетади. Бу ҳақида "Facebook" фойдаланувчиси Мамадиёр Шербеков саҳифасида ёзиб қолдирди. 

“Уларнинг далаю дашт ўртасидаги уйлари аҳоли манзилидан узоқда  жойлашган.  Мен ишга қатнайдиган дамасчилар навбати билан ҳар сафар, ҳар тонг бу тўрт болакайни мактабгача обкетишади. Ва ҳар сафар, ҳар тонг беминнат, текинга!”, деб ёзган у.

Ҳайдовчиларнинг ушбу эзгу ишлари тармоқ фойдаланувчилари томонидан олқишланган. Аввалроқ oyina.uz 'да дунё бўйлаб бегона одамлардан яхшилик кўрган кишиларнинг ҳикоялари эълон қилинган эди.