21 февраль куни Жомбой туманида жойлашган "Зарафшон" миллий табиат боғининг учинчи бўлими ҳудудида ёнғин содир бўлди.

Бу ҳақида zarnews.uz вилоят экология ва атроф-муҳитни муҳофаза қилиш бошқармаси ахборот хизматига таяниб хабар бермоқда.

Қайд этилишича, ёнғин оқибатида сув тол ва малина бўталари каби ўсимликлар ўсувчи жами 0,25 гектар ер майдони зарар кўрган. Олов ҳудудга бириктирилган масъуллар ва ходимлар томонидан тезкор тартибда бартараф этилган.

Айни пайтда ҳолат юзасидан қонунда белгиланган тартибда суриштирув ва ўрганиш ишлари олиб борилмоқда.