Марказий банк департамент директори Акмал Назаров истеъмолчилар ҳуқуқларини ҳимоя қилиш борасидаги ишлар ҳақида маълумот берди.

Қайд этилишича, хизмат кўрсатишда истеъмолчиларининг ҳуқуқлари бузилишига йўл қўйган 16 та тижорат банки ва 8 та микрокредит ташкилотидан жами 1 177 млн сўм миқдорида жарималар ундирилган.

Ундирилган жарималарнинг 829 млн сўми ёки 70 фоизи қоидабузарликлар йўл қўйилишига сабабчи бўлган банкларнинг 466 нафар масъул ходимлари ҳисобидан қопланган.

Шу билан бирга, тижорат банклари томонидан қоидабузарликларга йўл қўйган 269 нафар ходимларига нисбатан интизомий жазо чоралари қўлланилган.