1 февраль ҳолатига кўра, мамлакат олтин-валюта захиралари 34,4 млрд долларни ташкил этган. Бу ҳақида Марказий банк хабар қилди.

2022 йил 1 февраль ҳолатига кўра, Ўзбекистоннинг олтин-валюта захиралари 34,4 миллиард долларни ташкил этиб, январь ойига нисбатан 713,9 миллион долларга камайди. 

Захиралар, асосан, 20,7 миллиард долларга тенг олтин ва 12,5 миллиард долларга тенг хорижий валюталардан иборат. Бундан ташқари, яна 1,1 миллиард доллар халқаро захира активи мавжуд.

Маълум бўлишича, олтин-валюта захираларининг камайишига кўп жиҳатдан захиранинг валюта қисмининг камайиши сабаб бўлган. 1 ойда захира валютасининг ҳажми 532,6 миллион долларга камайиб, 12,54 миллиард долларни ташкил қилган.