Олий Мажлис Қонунчилик палатасининг навбатдаги мажлисида депутатлар Ўзбекистон Республикаси Бош вазирининг ўринбосари – Туризм ва маданий мерос вазири лавозимига номзодни кўриб чиқишди.

“Депутатлар ушбу лавозимга Азиз Абдуҳакимов номзодини кўриб чиқдилар ва маъқулладилар”, дея хабар бермоқда Олий мажлис Қонунчилик палатаси ахборот хизмати.

Ушбу хабарга кўра, Туризм ва спорт вазирлиги иккига ажратилди.

Аввалроқ Спортни ривожлантириш вазири лавозимига номзод маъқуллангани хабар қилинган эди.