Ўзбекистондаги 4 та олий таълим муассасаcи илк бор Буюк Британиянинг “Times Highеr Education” агентлиги “Young University Rankings – 2022» (Ёш университетлар рейтинги – 2022) рейтингидан ўрин олди.

Мазкур ОТМлар янги турдаги мақом — “Reportеr” университетлар қаторида эътироф этилган. Булар:

Тошкент давлат юридик университети;

Тошкент педиатрия тиббиёт институти;

Турин политехника университети;

Урганч давлат университети.

Эслатиб ўтамиз, “Young University Rankings” рейтинги дунёнинг 50 ва ундан кичик ёшдаги энг яхши университетлари рўйхатини тузади. Рўйхат “World University Rankings” флагмани билан бир хил 13 та мезон кўрсаткичларига асосланади. 2022 йилги рейтинг 539 та университетни ўз ичига олиб, шундан 251 та олийгоҳ “Reportеr” мақомига эга бўлган.