Шу кунга қадар  йўл бўйларида янги қурилган умумтаълим мактаблари олдига 22 та қуёш панелли светофорлар ўрнатилди. 

Вилоятда аҳоли гавжум жойлар, хусусан, бозорларнинг кириш қисми ва мактаблар яқинига қуёш батареялари ёрдамида ишлайдиган кўчма светофорлар ўрнатиш ишлари давом эттирилмоқда. 

Мазкур қурилма лойиҳаси Фарғона политехника институти олимлари томонидан ишлаб чиқилган. Дастлаб Ёзёвон туманида синовдан ўтказилган кўчма светофор ижобий самара бериб, унинг энергия тежамкорлиги, исталган ерга ўрнатиш имконияти мавжудлиги ҳар жиҳатдан маъқулланган. 

Бугунги кунда “ақллли светофор”лар “Олтиариқ-инновация” корхонаси мутахассислари томонидан тайёрланмоқда. Қуёш панели ёрдамида ишлайдиган светофорлар электр энергияси таъминотида узилишлар кузатилаётган ҳозирги шароитда жуда қулай. Қолаверса, давлат томонидан ўрнатиладиган светофорлардан анча арзон.