Ўзбекистонда хизмат кўрсатган артист Жўрахон Пўлатов 88 ёшида вафот этди.

1934 йилнинг 10 июнида Фарғона вилоятининг Қўқон шаҳрида таваллуд топган устоз ижодкор аския санъатининг забардаст вакилларидан бири эди. У узоқ йиллар маданият соҳасининг турли йўналишларида, хусусан, Қўқон шаҳар мусиқали драма театрида фидойилик билан меҳнат қилди.

Жўрахон Пўлатов халқона, самимий кулгига бой ҳар бир чиқиши орқали эл меҳрини қозонди. Санъатимиз ривожига катта ҳисса қўшди. Устоз ижодкорнинг ёрқин хотираси қалбларимизда ҳамиша сақланиб қолади.